تاكسي سوروجوسو ياغيشين آلتيندا دايانميش يولچونو گؤروب ماشيني ساخلادي. اينينده اوزون قارا پالتار اولان آدام آرخا قاپيني آچيب اوتوردو. 

  سوروجو:  " هه، دئ گؤروم هارا گئديرسن؟ "  

  يولچو:  " من ازراييلام. جانيوي آلماگا گلميشم "  دئيه آستادان ديللندي.... 

  سوروجو كينايه ايل:  " سنسن ازراييل؟ سنين كيمي ازراييل اولار هئچ؟ "  دئدي. 

  يولچو:  " بو گونه كيمي ازراييل گؤرموسئن كي، نئجه اولدوگومو بيله سن؟ "  دئييب سؤزلرينه داوام ائتدي:  " ...اينانمادين منه، دوزدو؟ "  

  سوروجو:  " يوخ، اينانماديم. "   

  يولچو:  " اوندا قولاق آس. 200 مئتر ايره ليده عئينكلي، باشيندا شلياپا، الينده پورتفئل اولان بير يولچو آلاجاگسان. "  

  دوگوردان دا 200 مئتر ايره ليده سوروجو اَينكلي، باشيندا شلياپا و الينده پورتفئل اولان بير يولچو عالير. آما يولچو قاباقدا، سوروجونون يانيندا اوتورور. بوندان سونرا حاديثه لر داها دا غريبه  حال عالير. 

  سوروجو يانينداكي يولچويا:  " سن هارا گئديرسن؟ "  

  يولچو: " منيم ايشيم مركزده دي. شهرين مركزينده بير يرده دوشجم. "  

  سوروجو يئنه يانينداكي آداما:  " بو آرخاداكينا باخ ائ. ياخشيليق ائليگيب، ياگيشين آلتيندا ماشينا آلديم، اوتانمادان مني دولويور، دئيير من ازراييلام. "  

  اؤندئكي آرخايا باخاراق:  " هاني؟ آرخادا هئچ كيم يوخدو آخي. "  

  سوروجو حيرصلئ:  " كورسان؟ گؤرمورسن آدام آرخادا اوتوروب؟ "  

  اؤندئكي بير ده آرخايا باخيب سوروجوي:  " سنين باشين خاراب اولوب يوخسا مني دولاميسان؟ آرخادا هئچ كيم يوخدو! "  

  بو دفعه  آرخاداكي ديللئنير:  " من سنين جانيوي آلماگا گلميشم. باشقالاري مني نه گؤره بيلير نه ده سسيمي ائشيدير. "  

  سوروجونون رنگي آگارير. ديزلري تيترمه يه باشلايير. 

  آرخاداكي سوروجوي:  " ماشيني ساخلا و ايكي روكت سون نامازيني قيل. سونرا جانيني آلاجاگام. "  

  سوروجو اللري اسه-اسه ماشيني ساخلاييب ماشيننان ائندي.. 

  سونرا... 

  سونرا نه اولوب بيليرسيز؟ 

  همين 2 يولجو ماسيني اوگورلاييب قاجيرلار...